الأقباط المسيحيين

| 2013-10-29 08:57:41

يا خوفي نفضل مختلفين

بعد شويه تجيلنا سنين

كل أملنا إننا نتصالح

الأقباط ع المسيحيين !

بس ساعتها نكفر بعض

ونفجر ف كنايس بعض

ونعيش دايمآ متخانقين

لو "نحسبها" يا عالم "صح"

نكتشف إننا نفس الدين

والطايفه اللي بتؤمن بيها

ليك حريه

كأورثوذوكسي .. أو كاثوليكي

أو جاي من طايفه إنجيليه

طب إيه فارق ؟!

بس فوارق ..

وحاجات ف صلاتك وعبادتك

وانا بحترمك ..

مهما عارضتك

مهما ناقشت ف صلب عقيدتك

إحنا كلامنا عشان نتجمع

مش علشان نتفرق تاني

يعني إيمانك نفس إيماني

نفس مسيحك نفس مسيحي

مات علشانك .. مات علشاني

إياكم تزعلوا من بعض

أو تاخدوا المواضيع كده قفش

وابوس إيدكوا ..

نتجمع ومنتفرقش !

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع