بالصور والفيديو ..جنيفر لوبيز تتألق وتتميز على مسرح "نوكيا"

| 2013-11-25 17:25:36

غنت إمبارح جنيفر لوبيز على مسرح "نوكيا" في لوس انجلوس بولاية كالفورنيا الأمريكية، وكانت بتشارك في حفلة توزيع جوايز مهرجان الموسيقى الأمريكية اللي حضروا نجوم كتير زي ريانا ومايلي سايرس وفريق وان دايركشن وليدي جاجا.

ولبست جنيفر لوبيز تلات أزياء متنوعة في كل ظهور لها على المسرح اول ظهور كان بفستان شيفون واسع أسود مطرز بالترتر اللامع، تاني ظهور كان بمايوه "سالسا" بسيور من الجناب وشراشيب بلون موف، أما تالت ظهور كان بفستان ملون وبينتهي بقماش أوراجانزا ملون من الاطراف.

كان عرضها متميز مليان بالحركة والراقصين والألوان المبهجة، أظهرت فيها جمال جسمها في أغاني ملكة السالسا سيليا كروز، اللي ميزها عن باقي العروض في ليلة مكدسة بالنجوم الموهوبين.

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع