طباعة الصفحةانتى الشتا
مجدى نصيف |
2013-12-18 14:12:04
مجدى نصيف
وانتى المطر
وبرضة انتى...
الجو الجميل
وانتى شبابى وغنوتى
وانتى اللقا..وانتى الرحيل
وانتى اللى راسمة سكتى..
وعمرى كلة؟؟؟
من غير وجودك مستحيل
وانتى دواوين المشاعر
وانتى الورق فوق الشجر
عمال يميل
وبداية الدرب
اللى شايف سكتة
وبرضة نهاية السكة
والدب الطويل
وانتى الطبيب
وانتى الدوا
وانتى فؤادى
اللى انكوى
ياسكة فى بحور الغرام
ياساكنة فى قصور الهوى
ماتحضنينى
وتأسرينى
وتغرقينى فى الهوى
ماترمى قلبى فى سكتك
ماتحضنينى بلوعتك
ماتشربينى من الغرام
وتزرعينى فى جنتك
ماتحبسينى جوة سورك
واقفلى عليا الشطوط
خلينى اتوضى بنورك
وبعدها انشاللة اموت
أغزلى مشاعرى
كوفية والبسيها
لفلفلى الاحزان
فى حزمة واحرقيها
لو فية حاجة ماتساويش
انا مشتريها
اشتريها بعمرى
وادفع كل غالى
واعملك عقد نجوم
وافرشلك شعرى وخيالى
ماانا قلت لك
انى عليل
وانتى الدوا والسلسبيل
وانتى الشتا
وانتى المطر
وبرضة انتى...
الجو الجميل
وانتى شبابى وغنوتى
وانتى اللقا..وانتى الرحيل
جميع الحقوق محفوظة للأقباط متحدون © 2004 - 2011 www.copts-united.com