طباعة الصفحةحمصى على كسكسى
مجدى نصيف |
2013-12-20 08:28:32
بقلم : مجدى نصيف
رز.....فتة.....مهلبية
الثورات نازلة ترف
والبلد زى ماهى
ناس غلابة وناس ديابة
وناس غيلان ومفترية
اللى رافع اربع صوابع
فيهم ناس ملتحية
واللى ويا السيىسى رايح
واللى شايل بندقية
واللى رايح بس فاهم
واللى فاكرها تكية
واللى نايم جوة خيمة
وجنبة نايمة الولية
واللى بيبيعلك علم
واللى بيبيعلك طاقية
واللى محشور فى الزحام
منيتة يعلق بنية
دة يزعق ودة ينادى
ثورجية..ثورجية
جاى احرر بلادى
م العصابة المفترية
وان حد اختلف معاة
ياكل علقة مية مية
ينسى ان الاب واحد
ادم اصل البشرية
وان الام برضة واحدة
واحنا عجنة متساوية
نختلف مع بعض جايز
بس مانسيبش القضية
ارض واحدة وعرض واحد
والمعادلة هى هى
مسلم كنت او مسيحى
بنطلون او جلابية
ملتحى او حالق اقرع
ولا بعمة او كوفية
افتكر ان انت مصرى
فرعون الكرة الارضية
جميع الحقوق محفوظة للأقباط متحدون © 2004 - 2011 www.copts-united.com