تووووت ...تووووت

مجدى نصيف | 2014-01-06 10:44:26

بقلم :مجدي نصيف
كل شويه القطر يفـوت
يقتل ناس ويسد بيوت
وييتم اطفال وكبار
والانسان تمن البرغوت

كل شوية حادثة جديدة
كل شوية الف تابوت
والمسئول فى المكتب قاعد
اية يعنى كام الف يموت

والسواق دايما محبوس
والعامل غلبان مكبوت
والمسئول عمرة مايتحاكم
كلة أخرس ..كلة سكوت

زفت عليكو يااوسخ ناس
نفسى اديكو بالشلوت
عمر بلدنا ماهتتغير
عير لما الشعب يموت

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع