السيسي: «حب الوطن مش كلام ولكن عمل ومثابرة»

 

وأضاف السيسي، خلال الجلسة الافتتاحية للمؤتمر السنوى الثانى لشباب الأطباء وحديثي التخرج، الخميس: «خلوا بالكم لازم نكون أمناء ونتكلم بجد، قبل ما احط اللقمة في بقي، أفكر أنا اديت إيه للبلد دي؟، حب الوطن مش كلام، أنا بكلم نفسي معاكم، مقصدش أوجه لكم أي كلمة، أنا بكلم نفسي، فيه مشكلة في بلدنا لم تواجه منذ 40 سنة، المستشفيات مش كويسة طيب ليه؟، والمدرسة مش كويسة طيب ليه؟».

 

وتابع: «يا ترى حد قال أدي لمصر شهر من عندي علشان الغلابة تعيش، يا ترى حد قال همشي على رجلي علشان أوفر حاجة لبلدي؟».

 

وواصل السيسي حديثه، قائلا: «أوعوا تزعلوا مني أنا شايف مصر زي ما أنا شايفكم وشايف مشاكلها زي ما شايفكم، البلاد لا تتقدم بالكلام ولكن تتقدم بالعمل والمثابرة، ممكن جيل أو اتنين يتظلموا علشان الباقي يعيش».

 

وأوضح: «لازم نعرف المرض علشان نعرف تعالجه، عمر مشاكل الدول تتحل في يوم وليلة، ولكن بياخد سنين سواء نجاح أو فشل».

 

وخاطب الشباب بقوله: «إنتم الأمل، عايزين خدمة طبية حقيقية وخريطة حقيقية للأمراض في مصر، ويكون عندنا بحث علمي محترم معندناش خيار إن كل حاجة ممكن نجيبها من الخارج، فقدراتنا الاقتصادية لا تتحمل».

 

وطالب المواطنين بـ«التوقف كثيرا أمام ظروف مصر».

 

وأكد المشير عبدالفتاح السيسي، أن القوات المسلحة حريصة على الارتقاء بمنظومة التطوير والتحديث والبحث العلمي، خاصة في مجال العلاج والرعاية الصحية المقدمة للمواطن.

 

وأشار المشير إلى أن الظروف الاقتصادية التي تمر بها مصر تشكل تحديًا كبيرًا أمام تقديم خدمة طبية حقيقية لجميع أبناء الشعب المصري، والتي تستلزم تكاتف الجميع، خاصة من شباب الأطباء الذين لديهم من الرغبة والإرادة والطموح للتخفيف من آلام ومعاناة المواطنين، خاصة من محدودي الدخل.

 

ووجّه السيسى التحية لشباب مصر وأبناء القوات المسلحة، مؤكدًا أن الشباب هم أمل مصر ومستقبلها بما لديهم من المقومات العلمية والثقافية والقدرة على العطاء من أجل مصر، مشيرًا إلى أن «الدول لا تتقدم بالكلام وإنما بالجهد والإيثار والمثابرة، وأن مصر تحتاج من أبنائها الكثير دون أن ينتظروا المقابل لذلك».