بل سفر الي المسيحيين الي اورشليم...

نبيل بسادة | 2014-04-14 13:22:44

بقلم نبيل بسادة
كل عام و أنتم طيبين...

ياريت نرجع للاسم الحقيقي و هو أورشليم و ليس القدس
العالم كله بيقول اورشليم , و ده موجود في الكتاب المقدس..
منذ الاف السنين..

اما اتباع السفاح صلاح الدين الايوبي هما اللي بيقولوا و أدخلوها علينا كلمة القدس

ليه لازم ننتظر التطبيع المعلن مع دولة أسرائيل
تطبيع ايه ؟ ما هو اسرائيل عندها سفارة في القاهرة
زيها زي اكثر من 100 دولة

طيب من هو أخطر علي مصر : قطر و حماس و أيران ... ام أسرائيل
ياريت نشيل من دماغنا كلام اسرائيل و الحجج اياها...
ده وقت و زمن انتهي...

ليه كل مشاكل مصر..
لازم الاقباط هما اللي يدفعوها..
و ياريت بيطمر..

ده حال الاقباط من سيء الي اسوأ...
هو فيه اسوا من كده لشعب مسالم...
بينزل من بيته و مش عارف راح يرجع و لا مش راح يرجع...
شوية من العصابات الأجرامية و شوية من الأسلاميين...
و يا قلبي لا تحزن..

قرار سيدنا البابا علي عيني و راسي بمنع سفر اولاده الي اورشليم
بس فيه نقطة مهمة علشان ما يعلمش الشعب العصيان...
أن طلبت أن تطاع ....أؤمر بما هو مستطاع...

بس ياريت مايعلقش علي اللي يسافر و اللي مايسافروشي
خلاص القرار موجود...

انا افهم ان المنع لانه خايف علي اولاده من الاغتيال..
وراح يكون بايدي الفلسطنيين..
و انا متأكد مش بايدي الآسرائليين..

و كمان في حاجة تايهة مننا أن أغلب العمالة الوافدة و بتعمل في اسرائيل من فلسطين..
و عايشين هناك آخر حلاوة ومبسوطين ..
الله ...هو احنا راح نكون ملكا أكثر من الملك...

طيب ما هو المسلمين بيسافروا السعودية للحج و شريحة كبيرة منهم علي نفقة الدولة...
من ايرادات الضرائب اللي بيساهم فيها بجزء كبير الاقباط...
و محادش بيقول حاجة ...
و بتدخل تحت بند الجزية اللي بندفعها بيد و نحن صاغرون...

يا ناس مافيش دولة بتحب مصر و المصريين زي اسرائيل..
لانها لها مصالح كبيرة في ذلك... ,
و كثير من الأسرائيليين لهم ذكريات في مصر قبل الهجرة الي اسرائيل ...
و تركوا كل ثروتهم لكثير من المصريين...

السادات لم يكن مخطيء عندما عمل الصلح مع اسرائيل ...
و مازالت الدولة المصرية متمسكة باتفاقيات كامب ديفيد...
بالرغم من تنوع الحكومات و النظام الي بيتغير كل كام شهر...

علي فكرة الدولة المصرية و عن طريق جهاز المخابرات منعت السنة دي كثير من الرحلات...
اللي كانت رايحة اورشليم أن تعطيهم تصاريح...
حتي اللي بيسافروا عن طريق الاردن...
كان في ألاول التصريح مطلوب للي بيسافروا عن طريق تل أبيب فقط..

دلوقتي و مع النفوذ الأسلام السياسي في مصر اصبح من الضروري وجود تصريح..
و من النادر ان أي حد ياخد تصريح...
زي بناء الكنايس..لازم تصريح
و في المشمش لما تعرف تاخد تصريح تبني به كنيسة...

ده بيعتبر بطل و فتح عكة اللي بيعرف ياخد تصريح يصلح به دورة مياه...
يعني المسيحي اللي يروح كنيسة و عايز يدخل دورة المياه..
عليه يدور علي الجامع اللي مبني جنب الكنيسة ...
علشان يستعمل دورة المياه بتاعته..
و دي من فوائد الزام بناء جامع جنب كل كنيسة..

يعني بالمختصر كل ده معمول للأقباط..
للتضييق عليهم و يزودوا عيشتهم مرار...
يعني الأقباط واقعين بين كفي كماشة...

المسيح انصلب من أجلنا..
هل من المفروض صلب الأقباط من أجل رغبات و نزوات الأسلاميين؟

شكرا
نحياتي