خواطر مصرى حائر

عريان فهيم جرجس | 2014-04-27 20:00:57

بقلم /عريان فهيم جرجس
حيّرني يا بلد .. اللي بيحصل فيكي
دورت ما لقيتشي .. حد قلبه عليكي
فيه ناس دايرين في شوارعك يقتلوا في الناس
عصابات مجرمة ...ماعندهاش احساس

عمرنا ما سمعنا عن طفلة في مصر اغتصبوها
وواحدة ماشيه فى حالها، من هدومها جرّدوها
هو احنا عايشين في غابة ..؟؟؟ مش هي دي مصر
اللي عاشت طول تاريخها رافعه راسها بكل فخر.
وبالبداهة أهلها عرفوا اللى عايزين يعملوه
واللى ينفع حلّلوه .... واللى يأذى حرّموه

والحاجات دي محرّمة ...ولا مشروعه

وكل "عيبة" فى عرفهم بالفطرة ممنوعة

تعبنا من اللي بنشوفه فيكي يا مصر واللي بيتعبك
وبادعاءات المؤامرة والخيانة بيطعنك
واللي سجنوا شباب ثورتك وكأنه بيسجنك
واللي ضاعت ولادهم بالدموع بتحضنك

لكن ربنا حينشر عدله فى ربوعك
حايحمي الغلابة والمظلومين وينور شموعك
ويولي حكمك للي حا يقدر يمسح دموعك
ويحط شعبك في نيني العين ويرفع قلوعك