"بشرة خير" مش "بشرة زفت "

فايز البهجوري | 2014-05-26 07:44:26

للشاعر فايز البهجورى
غنّى المطرب الاماراتى حسين الجسمى لشعب مصر أغنية " بشرة خير ".
وردد الشعب المصرى الأغنية معه بالفرحة والرقص.
لأن الأغنية عبّرت عن مشاعرهم وأمانيهم.
***
لم تعجب الأغنية " الاخوان المسلمين " فردوا عليها بأغنية جعلوا عنوانها
" بشرة زفت " ، وحوّلوها الى شريط فيديو ترقص فيه مجموعة من القرود . ونشروها على مواقعهم على النت .
***
شاهدت الأغنيتين وصدمت من "أغنية القرود" وكلماتها.
وتعليقا على الأغنيتين أقول :
هيّا صحيح   "بشرة خير " ...    لكن خير للمصريين
زى ما همّا كمان عايزينها
وهيّا صحيح "بشرة زفت "       لكن للارهابيين
زى ما همّا كمان عارفينها
*-----------------***------------------*
وانت ياصاحبى رأيك ايه ؟
" بشرة خير" أم " بشرة زفت ".؟؟؟
والتفسير اللى انت تقوله
حعرف منه سيادتك مين .
*-----------------***------------------*
وأنا من رأيى : " بشرة خير " ... ليّا وليك ولكل الناس
علشان تفضل "مصر عظيمه" ... مكانها القلب وفوق الراس
واللى يحاول يغدر بيها
مش حتكون له مكانه فيها
لازم يرحل عن أراضيها
علشان مصر دى للطاهرين
*-----------------***------------------*
مصر دى حصن المصريين
مصر دى تاج المصريين
مصر دى شرف المصريين
مش للخونه المأجورين
***
بس ياريتك تبقى فهمت
" بشرة خير " ... مش " بشرة زفت "