عشانك انت يا نور عيني

أميل سمير | 2010-03-29 00:00:00

بقلم : اميل سمير
الشوك جرح جبيني
عشانك انت يا نور عيني
والحربة الامها في جنبي
ووجعها حارقنى وكاويني
دا الخل مرر حلقى
وبأديك انت ساقيني

سلمنى يهوذا وقبض الدية
وامى بكت كتير عليا
وبموتى انقذت البشرية

عشانك انت يا نور عيني

اتجلدت انا عشانك
اتحملت ظلمك وهوانك
ولسه عندي مكانك

عشانك انت يا نور عيني

اه علي دبة المسمار
زرع في ايديا النار
اتحملت وجع جبار

عشانك انت يا نور عيني

رفعونى علي الصليب
دقت عذاب عجيب
ووجعى كان رهيب

عشانك انت يا نور عيني

بعد ما كان ليك الموت
وضلام الدنيا وسكوت
وهبتك حياة ابدية

عشانك انت يا نور عيني

اخطيت كتير في حقى
بعدت كتير وبقيت ضدى
ولسه حافظلك وعدي

عشانك انت يا نور عيني

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع