لا عزاء للشعب المصر

أشرف دوس | 2014-06-29 10:52:31

اشرف دوس
هذا ما كنا نتوقعه!!! مع احترامنا الكبير وتقديرنا للقوات المسلحة ولكن ماحدث بخصوص هذا الجهاز هو نكسة لهذه المؤسسة العريقة ويجب تداركها ومحاسبة من تسبب بها!!! لا تعطوا امل لمريض وبعدين تصدموه !!!!!! اولا لكل مصدوم ...انا مكنتش مصدق بس قلت يارب يكون ظني في غير محله ولكن الان استطيع

ان اقول منكم لله يامن زرعتم الامل فينا وانتم تعلمون انه سراب ....حرام وهو الامانه العلميه ظهرت الان ليه ماخذتوش كامل الوقت المطلوب قبل ان تعطونا املا هو سراب تحياتي لكل ساذج صدق الإختراع ده من الأصل .. دلوقتى حيتأجل 6 شهور فين تصريحات تجهيز مستشفيات القوات المسلحة لعمل الجهاز.. وفين تصريحات السادة اللى هاجموا كل من يهاجم الجهاز واعتبروا عميل وخاين ..

فين الناس اللى كانت بتلعب بمشاعر المرضى الغلابة .. قلنا الموضوع من الأصل سياسة محدش صدق .. حنفضل لحد امتى نضحك على نفسنا .. يا عالم كفاية كده .. حرام عليكوا الضحك على عقول الناس .. ولسه يا ما نشوف .. وإذا كان هذا الجهاز غير مناسب للعلاج أتمنى أن يعترف المسئولون عنه بالحقيقة فالخطأ ليس عيبا إنما التمادي في الخطأ هو كل العيب.عموما اللي يكذب مرة ممكن يكذب ألف مرة ولا عزاء للشعب المصري ..