عجبي

ميرفت عياد | 2010-04-22 00:00:00

بقلم: ميرفت عياد
لازم نواجه الإرهاب اللي بقى شبح على كل باب
لا فرق بين غنى أو فقير
بين شعر أو حجاب
عجبي!
قال إيه في بلادنا مجلس شعب عاملينه لخير الشعب
بس الفساد خلاه لضرب الجزم والسب
عجبي!
كل ما أحاول أفوق وأطلع بحياتي لفوق
ألقى سلاسل الظلم والافترا
مقيدة رقبتي بألف طوق
عجبي!
عملنا لحماية المرأة من العنف قانون
ومكاتب نستقبل فيها الطعون
بس يا ترىَ دة يداوى جراحها؟
بعد ما أتحول الزوج لشمشون
عجبي!
المياه بتروي ظمأ العطشان
والحب بيروي ظمأ الحرمان
وإيه بينهم الشبه غير إن
الاتنين بيمنحوا الحياة للإنسان
عجبي !