مفيش حل غير الموت

بولا وجيه | 2015-02-11 12:34:30

بقلم - بولا وجيه
ازاى تجرى فى دمى
و انتى مغرقة بيه الأرض
احنا الشباب

اللى قالوا عليه ورد
و انه بيفتح فيكى
و انه هو اللى هيبنيكى
لكنك انتى بتهديه !!
هاتلى طريقة علشان مموتش !!

يسارى هموت
متطرف هموت
مسلم هموت
جندى هموت
مشجع هموت
اخوان هموت

ثورى هموت
مسيحى هموت
شيعى هموت
حتى لو كنت طفل
لساه برضو بيتعلم
برضو هموت ..

كرهانا ليه و احنا ولادك !!
ده القلب عشقك ف سكوت
مصرة تدوسيه بمداسك ..

و كأنه جزاه الموت

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع