طباعة الصفحةازرع حَقلي حِنيّة
زهير دعيم |
2015-07-29 17:43:54
زهير دعيم
بدْموعي.... بدموعي
أنا راجع يا يسوعي
بحزني وهمّي وجوعي
وبتمنّى رِضاك
ازرع حَقلي حِنيّة
واقلَع أشواك
واغمرني بنعمة غَنيّة
وامنحني فِداك
حُبَّك طهّرلي عيوني
وملّاني حنين
وبدّل وَهمي وظنوني
بشوق ويقين
مين غيرَك يشفي مَرضي
ويوفّي وْعود
ويبارك أهلي وأرضي
وبالخير يجود
وحدَك ساكن بخيالي
ربّي المحبوب
وغاسل بالدم الغالي
كلّ القلوب
جميع الحقوق محفوظة للأقباط متحدون © 2004 - 2011 www.copts-united.com