"حفلة على TE Data" يتصدر: لو متضايق من الهاشتاج اقفل تويتر وافتحه تاني

 

وشن عمر أحمد هجوما لاذعًا على الشركة، موجها إليها عبارات الاستهجان اعتراضا على سوء. كما طالبت نور سمير بمزيد من التفاعل على الهاشتاج، وعمل "حفلة" على الشركة والانتقام منهم، وأضافت هالة محمود "مرة النت كان فاصل شهر كامل عشان أعمال صيانة ومع ذلك خدوا حق الشهر"، واصفة إياهم باللصوص.

 

وقال مصطفى عيسى "تحس إنهم بيجيبوا ناس باردين و يحطوهم في فريزر كبير لحد ما يبقوا ألواح تلج، وبعدين يعيّنوهم في خدمة عملاء تي إى داتا".

 

ووجه أحمد فوكس رسالة للشركة، قائلا "لو زعلانين من الهاشتاج ممكن تقفلوا تويتر وتفتحوه تاني، هتلاقوا الهاشتاج اتمسح، لو عندكوا نفس المشكلة مكالمة تانية بقى".

 

وأوضح محمد عاطف، أنه أرسل للشركة قال لهم إن هناك حفلة على "تويتر" تستنكر سوء الخدمة، فردوا عليه قائلين "مفيش حاجة يا فندم"، وناشدت إسراء محمود شركة "تي إي داتا"، بـ"إرسال موظف هدية مع كل راوتر، يقعد جنبه يفتحه ويقفله".