.....المدارس والدروس.....

جورج ميخائيل عازر | 2015-10-03 09:21:31

جورج ميخائيل عازر
يا عيني عليك.....يا أبو العيال.....دق الناقوس
بداية الدراسه.....يالا جهز نفسك.....للدروس
اوعي تقول مفلس.....مش معايا فلوس
البلد كده.....صدقني.....قوانين وطقوس
كان غيرك أشطر.....إوعي.....تعمل فلحوس
وتقول كفايه المدرسه.....مش ناوي.....ع الدروس
يا صاحبي ده كان زمان.....أيام الهكسوس
لما كان بتاع العربي.....بيشرح.....النصوص
ويقول الفرق.....بين.....العميل والجاسوس
وبتاع العلوم.....ف المعمل.....الشرح محسوس
أما مدرس الرياضه.....دلوقتي.....مخروس
لا عايز يقول برهان.....تشعر إنه مدسوس
صعبان عليا يا صاحبي.....حاسس إنك منحوس

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع