"هللويا"

د. صموئيل فكري | 2010-09-15 00:00:00

بقلم : صمويل طلعت فكري
فاتت و مرت السنين
و شفت فيها اله امين
ماسك بيدي و معاه باعدي
كل صعابي و كل انين

في ضيقي الاقيه جنبي
اصرخله يريح قلبي
ماهو سيدي و ربي
و حمايتي و عوني ف كربي

مافيش حاجة صعبه ليه
ده هو عظيم و قدير
و كل السلطان ف ايديه
قادر على كل صعب و عسير

ياما ايده الحلوة شالتني
ياما احضانه ضمتني
و عينيه سهرانة عليا دايما
و كلماته العذبة شفتني

انا بس عايز ارضيه
مش هارضي تاني الناس
انا عايزه يكون الاول
و يكون هو الاساس

هاعيشله عمري امين
و هاشهد عنه لملايين
ماهو اللي فداني
و رعاني طول السنين

و هاكون قدوة للكل
و هاشكر كل اوقاتي
و هاعيش مسيحي حقيقي
في سلوكي و تصرفاتي

ولما اغلط ارجعله
و اعترفله باللي عملته
و اقوله سامحني يا ربي
لاني كده زعلته

هللويا المجد ليك
انا ابنك كل ليك
املاني بسلامك و استخدمني
شكرا ياربي حمدا ليك

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع