بالفيديو.. المقدم مصطفى مختار يرد على السخرية من "الكرش": "مراتي عيطت"

قال المقدم مصطفى مختار، ضابط مرور الإسكندرية، تعليقا على صورته المنتشرة وهو ينظر للمياة التي ملأت الشارع، وسخر المواطنون من "كرشه"، إن "زوجته عيطت، وأولادي رفضوا يروحوا المدرسة خوفا من معايرة زملائهم".

 

وقال "مختار" في مداخلة هاتفية لبرنامج "وماذا بعد؟" على قناة LTC، مع الإعلامية رولا خرسا: "أنا رجعت من الشغل بالليل، وكنت تعبان جدا، ولما صحيت مراتي كانت بتعيط ومضايقة جدا، بقولها مالك حصل ايه؟".

 

وأضاف: "قالتلي الناس ناشره صورتي وبيسخروا مني، فقولتلها ربنا يحاسبهم، هعمل ايه يعني"، مؤكدا أنه طالبها بعدم التفكير في الصورة.

 

وتابع: "أولادي رفضوا يذهبوا للمدرسة خوفا من معايرة زملائهم"، وقال إنه "اليوم الحمد لله كلنا فرحانيين بسبب تقدير الشعب لي، وبشكر الشعب كله، أنا فرحان جدا النهاردة، الناس دي محترمة جدا".

 

وواصل: "بفتخر بقياداتي وبعملي، وربنا كرمني بعد ما كنت زعلان أوي، النهاردة كل الناس فرحانة أوي إن الناس قدرتني وقدرت مجهودي، ربنا كريم أوي أوي معايا".