"أبوحفيظة" يرد على خالد صلاح: "مش هيلاقوا أحسن منك يغطي على قضية ريهام"

البوبة نيوز | 2015-10-31 17:48:02

رد الإعلامي أكرم حسني (الشهير بشخصية سيد أبوحفيظة)، على هجوم الكاتب الصحفي خالد صلاح، على قناة "mbc مصر" في تدوينات متتابعة على تويتر" بعد كليب "حصري على التليفزيون المصري الذي قدمه خلال برنامجه "أسعد الله مساءكم3 ".

وقال: "طبعا انا مقدر موقف الاستاذ ‏خالد صلاح‬ وأعذره لأن الحمل كان تقيل أوي اليومين اللي فاتوا، ولازم يوجهوا نظر الناس لحاجة تانية غير موضوع ريهام ومش هيلاقوا أحسن منه يقوم بالدور ده، انا بس هاستأذنكم تقروا التعليقات عشان تعرفوا الناس في الشارع شايفاكم إزاي، شكرا".

وكان خالد صلاح قد هاجم قناة "mbc مصر" عبر حسابه الرسمي على تويتر" قائلًا في تدوينات متتابعة: "التليفزيون المصرى علم الدنيا بحالها ماوصلتش الوضاعة أنه يتشتم من تليفزيون سعودى بيشتغل على أرض مصر، أقذر شتيمة بفلوس رجل أعمال سعودى لتليفزيون مصر، متابعًا: "عصام الأمير لو ما تحركش وقدم بلاغ باسم التليفزيون إحنا هنعمل كده في الجماعة الصحفية".

وواصل صلاح " mbc بتقوم بدور مخيف للقضاء نهائيا على التليفزيون المصرى ليكون رأس المال غير المصرى هو المتحكم الأول في عقول المصريين، والوليد الإبراهيم مالك mbc لازم يعتذر عن ده، أما المصريين اللى عملوا كده في محطة سعودية وقبلوا بإهانة كرامة بلادهم بقول لهم انتوا عبيد".

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع