الغرب والإرهاب

أماني موسى | 2015-11-15 09:18:11

بقلم - أماني موسى
الغرب دلوقتي بيدي تصريحات عن أهمية إيجاد حل سلمي وإنهاء الصراع بسوريا... أولاً: عبط إحنا يا عصام؛ مشروع الشرق الأوسط الكبير راح فين؟

ثانيًا: أجهزة مخابراتكم متفاجئة يا قلب أمها بالأحداث؛ مش مرتباها من سنين وأهّلت ودرّبت اللي هيقوموا بالتنفيذ وحدّدت كمان المناطق وترتيبها والسنين؟

ثالثًا: هتحلوها إزاي وحبات العقد انفرطت، هتلموا الإرهابيين من سوريا ولا العراق ولا ليبيا ولا مصر ولا فلسطين ولا من عندكوا؟ وهتجمعوا إزاي الأسلحة المتطورة اللي معاهم اللي ادهالهم اللهو الخفي والكائن المجهول؟ بلاش دة ودة هتغيروا إزاي الأيدلوجية اللي بتقود تحركاتهم؟

تحرك قطار الإرهاب وانطلق للأسف ولا يمكن إيقاف مسيرته أو إرجاعها للوراء. .. قُضيَّ الأمر وستدفع الإنسانية جميعها الثمن باهظ الكلفة.

وحش الإسلاميين في يوما ما هيخرج عن السيطرة وهيكون الكل خاسر لأنهم مش فقط أدوات طيعة في إيد أسيادهم لكنهم يملكون هدف ويحاربون بنصوص مقدسة.

تم الزرع على مدار سنين وربما حان وقت الحصاد "المرير" وتجرع ذات الكأس.