«متر» في الملهى الليلي المحروق بالعجوزة يبكي على الهواء: «إحنا مش عار.. ندفن نفسنا علشان ترتاحوا؟» (فيديو)

واستنكر «خالد» الناجي من الحريق، تعامل البعض معهم بعد الحادثة، والشماتة في موتهم كونهم يعملون في ملهى ليلي، وقال: «إحنا مبنعرّش أهالينا ولا ناسنا، لولا الظروف اللي احنا فيها مكنش حد فينا اشتغل الشغلانة دي، لو لاقي شغل كويس وألاقي دخل أفتح بيه بيتي وأكّل عيالي، مش هشتغل الشغلانة دي».

 

وأضاف: «أنا شغال في مطعم سياحي، مطعم مرخص، أنا نازل علشان خاطر أشتغل وآكل عيش، أفتح بيتي وبيت عيالي، والناس اللي ماتوا دول فرق بيننا وبينهم دقيقتين، ولولاهم كان زمانا معاهم».

 

وبكى بشدة، قائلًا: «أنا بنزل علشان أجيب لعيالي جنيه، أدوني شغلانة كويسة وأنا أنزلها، أنا معملتش حاجة غلط، واللي ماتوا دول شباب ومعاهم مؤهلات، ومعاهم أطفال، وناس محترمة مش زي ما الناس بتقول».

 

وتساءل: «ليه بتعملوا فينا كده؟، ندفن نفسنا يعني علشان ترتاحوا؟».