شعبولا» يغنى للمجنونة: «حتى انتى يا قوطة بتذلى فينا ومبسوطة»

كتب : سعيد نافع ومحمد فايد - المصري اليوم | 2010-10-26 10:13:19

الدكتور أحمد ضياء الدين، محافظ المنيا، أشرف صباح «أمس» على بيع ٢ طن طماطم بسوق الحبشى بمدينة المنيا بسعر ٢ جنيه للكيلو بدعم ٣ جنيهات من صندوق الخدمات بالمحافظة ضمن مشروع يتم تنفيذه من خلال مديريتى الزراعة والتموين يتضمن شراء المنتجات الزراعية والخضروات من المزارعين وبيعها للجمهور.

وطالب المحافظ مدير التموين بتكثيف الرقابة على الأسواق لمنع أى أشكال للتلاعب وضبط المخالفين.

كان سعر الطماطم فى أسواق المحافظة انخفض إلى ٥ جنيهات للكيلو، وتم طرح الكميات المدعمة للحد من جشع التجار.

وانتهى المطرب شعبان عبدالرحيم من إعداد أغنية للطماطم بعنوان «حتى انتى يا اللى اسمك قوطة» من تأليف محمد حسن الشرقاوى، وقد تم تأليفها وتلحينها وغناؤها فى يوم واحد وسيتم توزيعها على الفضائيات خلال أيام، وقال شعبان لـ«المصرى اليوم» إن هدف الأغنية الدعوة لخفض أسعار الطماطم، حتى تكون فى متناول الجميع.

وتقول كلمات الأغنية «حتى انتى ياللى اسمك قوطة.. بتذلى فينا ومبسوطة.. حرام عليكى يا مجنونة.. خليكى عاقلة ومظبوطة.. عاملنا أزمة وشبورة.. وبقيتى فى السوق مشهورة.. وكل يوم طالعة فى جرنال.. ومنزلك كام صورة.. بقى ليكى سعر وليكى قيمة.. يا مفعصة وعاملة سليمة.. مش بعيد بعد شوية.. نشوف جنابك فى السيما.. من امتى وانتى بعشرة جنيه.. والناس غلابة هاتعمل إيه.. بقيتى أغلى من التفاح..

ومنفضة لنا وعاملة بهية.. مجنونة أكتر من العادة.. والحالة جاتلك بزيادة.. يارب أشوفك يا طماطم من السراية واخدة شهادة.. ده حتى شكلك مش هو.. وبايظة خالص من جوه.. رضينا وانتى معندانا.. واخدة الأمور عافية وقوة.. حرام عليكى خنقتينا وبأى حق تذلينا.. من بعد ما دخلتى فى أزمة.. الكل بقى يلعب بينا.. هانشتكيكى يا قوطة لمين».

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع