أكرم حسني: «تقل الستات على الرجالة تحول لكارثة»

قال الإعلامي أكرم حسني، مقدم برنامج «للرجال فقط» على إذاعة «نجوم إف إف»، مساء الثلاثاء، إن «البنت بتتكبر على الولد، لما يعبر عن حبه لها، وبتحاول تثبت لنفسها أن لها مكانة كبيرة، وبتقعد تتكبر عليه».

 

وأضاف «حسني»: «البنات بتعقد الأمور لما الولد يكون عايز يرتبط بها رسمي، وبتخلي الأمر كأنه حرب، ولازم تقعد تأخد رأي صحابتها، وكل ده الولد المسكين الغلبان مستني أصحاب البنت عشان يأخدوا قرار لحياتها».

 

وتابع «حسني» أن «تقل الستات تحول من صنعة إلى كارثة، مينفعش يبقى الولد مستني منيك رد وأنت تبقي سخيفة وبايخة في الرد عليه».