فادى سافر للسماء!

إبرام تاوضروس | 2016-06-11 18:00:14

بقلم: ابرام تاوضروس

فادى لما سافر للسماء ناس كتير زعلت عليه

ناس قالو فادى خادم نشيط

وناس قالو روحه حلو ودايماً مبتسم

وناس قالو شاطر فى شغله

وناس قالو فادى بجد أبن ربنا

حتى الأطفال قالو روحه حلوه ودايما كان

يخلينا نضحك ويبسطنا .

حتى يوم ما سافر للسماء سافر وهو بيخدم

لو واحد فى شغل وحصل له حادث يُحسب له

كأصابة عمل، طيب تفتكرو ربنا بقى

هيكأفىء فادى أزاى؟ على تعبه فى خدمته للنفس الأخير!

اما سمعت شهادة الناس وفكرت فى الكلمات دى عن فادى

قولت ياترى بعد ما اسافر هيقولو عنى ايه؟

فكرت فيها؟

ياترى ايه الأثر اللى هتسيبه فى قلوب الناس؟ وهل هتبقى راضى

عن نفسك، وعن عملك، حياتك وخدمتك، علاقتك بربنا؟!

فكر...

ولسه الفرصه قدامك

استغل كل ثانيه فى حياتك للخير والمحبه

فكر وكان اخر وقت فى حياتك بعد ساعة

خلى خوف ربنا دايماً قدام عنيك

فكر لما هتسافر وتنتهى ايام غربتك هتروح فين؟