«شاومينج» متحديا «التعليم»: «نقدر نغير نتائج الثانوية العامة»

فيتو | 2016-07-08 16:18:37

تحدى مسئولو صفحة "شاومينج بيغشش ثانوية عامة" على موقع التواصل الاجتماعى "فيس بوك"، وزارة التربية والتعليم في قدرته على تغيير نتائج امتحانات طلاب الثانوية العامة بعد قدرته على تسـريب امتحانات الثانوية العامة.

وقالت صفحة "شاومينج" على "فيس بوك": "شاومينج يقدر يغير في النتايج من الكنترول ويقدر يرفع درجات أي طالب، علشان اللي بيقول إني مقدرش أعمل حاجة ده أحب أقوله اللي قدر يسرب الامتحانات من قلب الوزارة قبل الامتحان بـ7 ساعات يقدر يغير أي نتيجة ويتحكم فيها من الكنترول ويعمل اللي محدش يتوقعه".

وأضافت الصفحة: "بس طبعا أنا مينفعش أعمل حاجة زي ديه إلا بموافقة جميع الطلبة وأخذ آرائهم جميعا، عشان كده أنا عامل استفتاء ليكم في البوست ده وتقولوا رايكم في الكلام ده وهيكون في بيان مهم بالليل بخصوص الموضوع ده بعد معرفة آراء الجميع، وياريت كل واحد شاف البوست يعمل شير ويمنشن لأكبر عدد من أصحابه علشان نعرف رأي الكل وناخد برأي الكل".

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع