طباعة الصفحةبسحب كلمتي
|
2010-12-13 00:00:00
بقلم : إبراهيم جاد الكريم
كان فى قلبى كلمه واحده ... ولقلبك شلتها
قلت لك كلمة بحبك .. وياريتنى ما قلتها
كان منايا فى يوم أكون لك وتبقى قسمتى
والنهارده جاى أقولك أنا باسحب كلمتى
كنت نور عينى وحياتى وفرحة دنيتى
كنت أقرب منى ليا وعيونك جنتى
كنت نور العمر كله وطريقى و سكتى
والنهارده جاى أقولك أنا باسحب كلمتى
أحلف بعيونى الحزينه والغربه والجراح
لآبتدى تانى حياتى وأتعلم من اللى راح
مستحيل ها تكونى فرحى
ومستحيل هاتكونى جرحى
مستحيل هاتكونى سكه أخرتها غربتى
كان منايا فى يوم أكون لك وتبقى قسمتى
والنهارده جاى أقولك أنا باسحب كلمتى
دارى بعينيك الحقيقه والعشره والخداع
مهما تتعذب أهاتى مش هاندم على اللى راح
مش حاقول كان قلبي ليك
مش حاقول ... كان لي فيك
مش حاقول غير كنت كلمه ونسيتها فى دنيتى
كان منايا فى يوم أكون لك وتبقى قسمتى
والنهارده جاى أقولك
أنا بسحب كلمتي
جميع الحقوق محفوظة للأقباط متحدون © 2004 - 2011 www.copts-united.com