طباعة الصفحةسنة عدت
محبة مترى |
2010-12-23 00:00:00
بقلم : محبة مترى
سنة عدت وانت وياياوصوتك نبض جُوايا
وكل سنينى منقوشة
فى كفك تحكى عن حبك
حنان وحفظ ورعاية
احبك ربى ومسيحى
واغنى واعلّى تسبيحى
ده شكرى كله ومديحى
لك يارب يا حنّان
احبك ربى وراعىّ
يا ابويا واهلى ومالىّ
اسيب الكل وكفاية
ايديك ممدودة لايديا
يافرحى وسعدى وهنايا
غفرت كل خطايايا
وقلت يا ابنى ماتخافشى
مكانك قلبى وسمايا
ولو عديت سطورعمرى
سنين جريت وراها سنين
مش ممكن انسى احسانك
ولا ليلة فيها نمت حزين
تداوى الجرح فى جروحك
وتملا القلب بجمال روحك
وتمسح لىّ دمع العين
شِمالك تحت راسى انام
يمينك حُضن دفا وسلام
ولما افرح, بيك يزيد فرحى
يا اقرب منى الى نفسى
ده قبل ما اقول تكون سامع
وقبل ما اطلبك تيجى
هاعيش العمر لك تابع
ولو تُهت فى يوم راجع
كلامك نورى وسبيلى
وهاحكى عن عظيم حبك
واقول للكل على اسمك
حبيبى ومفيش غيرك
فادى حياتى اسجد لك
ميلادى كان مصيره جحيم
ميلادك فعل رب رحيم
اقدم شكرى لصنيعك
يا ابويا ماستاهلش جميلك
ولو فى عمرى يوم باقى
ساعدنى أعيش لك فيه
تغطى ميلادى بميلادك
تطهر قلبى بفداءك
تحفظ حياتى فى سلامك
وكل سنينها تشهد ليك.
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
جميع الحقوق محفوظة للأقباط متحدون © 2004 - 2011 www.copts-united.com