فيفي عبده: "مايهمنيش التكريم.. أنا تكريمي من ربنا سبحانه وتعالى"

| 2016-09-30 09:40:25

قالت الفنانة فيفي عبده، إنها تتحدى النقد الذي تواجهه على مواقع التواصل الاجتماعي، مضيفة: "ماببصش ورايا ولو حد سحبني من ضهري ورجعني 5 متر لورا، أنا بطلع بيهم 15 متر لقدام، أنا دايما مبحبش هزيمة، بحب أكون إيجابية ورد فعلي ذكي".

وتابعت، خلال حوارها ببرنامج "ست الستات" على قناة "صدى البلد" مع الإعلامية "دينا رامز": "ربنا بيقوللي اعملي ده كويسة ليكي بعمله، أنا بستخير ربنا".

وأوضحت أنها تريد أن تكون مثار حديث الناس دائما "لو قمت كل يوم وملقتش الناس بتتكلم عني بزعل، تتكلم عني في أي حاجة بقى".

وأكدت فيفي أنها فخورة بكونها راقصة شرقية تعمل في النور ولا يشينها أي شيء، مضيفة: "فخورة إني فيفي عبده الراقصة، والرقص فن جميل جدا".

وواصلت: "مايهمنيش التكريم، أنا تكريمي من الله سبحانه وتعالى، أنا مابشربش سجاير أو شيشة وعمري ما شربت ويسكي ولا خمور".

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع