خمسه فرفشه

جورج ميخائيل عازر | 2016-10-03 15:18:46

جورج ميخائيل عازر
الجبنه القديمه والمش حلاوتهم بالدود
بيضحك ف الطبق.....تشعر.....إنه ودود

وياريت فجل أو جرجير.....عودين.....أو عود
وفحل بصل معاهم.....باقه.....م الورود

عيش فلاحي سخن.....يكون.....مفرود
أكله نفسي فيها.....صدقوني.....من عهود

بعدها براد شاي.....بقول.....مش كفايه
حاسس إن بطني.....أصبحت.....ميدان رمايه

محتاج عيادة طوارئ.....يعني.....عايز عنايه
القولون حالته حاله.....هي دي البدايه
مش هعملها تاني.....إطلبوا.....ليا الهدايه

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع