طباعة الصفحةيادبابة يادايسانى
صفوت فريزغالي |
2016-10-07 13:43:13
الشاعر صفوت فريز
يادبابة يادايسانى
أنا مصرى أنا صاحبك
أنا مايكل أنا مينا أنا رومانى
أنا مواطن وع الجبهة
وقف جنبك
يادبابتى ياحاميانى
وحامية حدود أوطانى
أنا حكاية عارفها القاصى والدانى
شهيد مصرى صديقة عمرى قاتلانى
أنا الميت أنا المدهوس ... بجنزيرك
أنا الواقف فى ماسبيرو
وف حماكى مافيش غيرك
أنا المتهان فى ضميرك
يادبابة ومين أمرك على موتى
على جسمى على راسى وقال فوتى
أنا المصرى أنا الوطنى مانيش أعداء
أنا شبهك يابنت الناس لكنة إنداس
بجنزيرك يادبابة بقيت أشلاء
جميع الحقوق محفوظة للأقباط متحدون © 2004 - 2011 www.copts-united.com