بالفيديو.. عمرو أديب: مفيش أمل لكن أنا زملكاوي وهفضل زملكاوي.. والجمهور بيحرك الصخر

| 2016-10-23 22:24:18

كتب: محرر الأقباط متحدون
علق الإعلامي عمرو أديب، على الشوط الأول لمباراة إياب نهائي أفريقيا بين الزمالك وصن داونز، قائلًا: "مفيش أمل الماتش مش ماشي كويس، الشوط الأول خلص، والناس في الاستاد عاملة مهرجان، الجمهور شاف الويل عشان يكون حاضر الماتش ده".

وأضاف "أديب"، خلال تقديمه برنامج "كل يوم"، على فضائية "on E" :"الناس سفت التراب عشان تمشى ورا الفريق"، مشيراً إلى أن جمهور الزمالك يحرك الصخر.

وأكد "أديب"،: "الجمهور يطلع ميه وبترول من الأرض، والله ما قصروا، بس اللاعيبه فيها حاجة" موضحًا أن الحلول عند الزمالك بسيطة، وكل الأماني ممكنة، لكن صعب".

وأكمل الإعلامي: "حط ميه حط نار جمهور الزمالك جمهور جبار، تيجى تسأل العيال الصغيرة ليه بتشجع الزمالك، دا لحب الزمالك، سواء اتغلب الزمالك ولا لا هنفضل نشجعه، ولو ماخدناش البطولة هنفضل زمالكوية على طول".

وأردف عمرو أديب: "إن شاء الله اليوم يعدى على خير.. اااه لو لعبت يا زهر.. أنا بحتفل بعيد ميلادى الـ53، وأنا زملكاوس بقالس 49 سنة، فرحت فيهم 3 أو 4 مرات بس، ولكن مستمر زملكاوس، وهفضل زملكاوي، وبقول لاخواتنا في النادي الأهلي اللي ساندنا النهاردة الله يكرمه، واللي مش ساندنا الله يكرمه مطرح ما هو قاعد".

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع