أغاني شبابية قبل الثورة تنبأت عنها لخلق وطن جديد

رغم انتشار الموجة الغنائية الشبابية، التي اكتسحت الأسواق، والتي تعبر كلماتها عن العشق والحب والخيانة

وما إلى ذلك، قام مجموعة من الشباب بعمل ألبوم بعنوان "آخر نقطة شمس"، ضم أغنيتين تتحدثا عن الثورة الشبابية قبل خروجها، فقام المؤلف والملحن "أنطونيوس نبيل"، بتأليف أغنية "نخلق وطن"، وأخرى بعنوان "السر إيه" غناء "جوني"

ومن كلمات أغنية "السر إيه": 

 

لا عمره خاف ولا عمره طاطى

و كل شىء واخده ببساطة

و الناس بتسأل السر إيه

لحد إمتى وازاي وليه

 

فيه ناس تقول ده واد شجاع

و ناس تقول ده واد عنيد

وناس تقول بلاش صداع

مافيش كلام مجنون أكيد

 

وناس تقول ده قلبه داق

أحلام كتيره اتكعبلت

عاش الحياة حيرة وفراق

لحد روحه ما نملت

داخل بصدره على الحياة

ولا حد قادر يكسره

طب ليه يخاف ومافيش معاه

شىء غالي ممكن يخسره

 

رغم اختلاف الناس عليه

الكل رافض يسمعه

سر الشجاعة اللي ف عينيه

إن الشجاعة بتوجعه

 

من كلمات: نخلق وطن

لازم ندور ع الطوفان

يمكن لو الكون اتمحى

نخلق وطن مافهوش حيطان

مافهوش قلوب متجرحة

نخلق وطن

مافهوش خريف مافهوش عبيد

ولا ليل مخيف ولا شيء بعيد

مافهوش بشر تقدر تخون

فيه كل إيد بتضم إيد

فيه الحنان جوه العيون

وردة أمل متفتحة