باب نجار

توماس بشاي | 2011-03-11 00:00:00

بقلم: توماس بشاي
العقل و الباب .. مين يفرقهم
افتح .. اقفل .. وارب
و العقل ده شارب
و اوعي تلوم الباب
العقل هو السبب
جاب الخراب جاب
و انت هاتفضل باب
ملموم علي كلاب
ديما يتبعهم
عل الخير بيتفرق
و الظلم يجمعهم
بس انت برضو الباب
و الفقر غلاب
و الجهل غلاب
العمده لاقي الزفر
و تحت ايده الخفر
و انت يا عيني الباب
و الباب ده غلبان
و حتي مش فاهم
هو بيفتح ليه
و لا حتي بيتفاهم
العمده قال تتهد
يا عمده خف هزار
و رب السما ده الجد
ده الجد صان العيش
يا اللي ماعندك جد
ليك رب هايحاسب
انا مش بقف علي حد
يا باااب .. ياا باب
يا باب .. قوم بينا يلا نهد
و نمحي اسمي الجد
نقفل كمان و نسد
و نبقي وحدينا
و بعد الهد
الباب راح باكي
فكر
فصاحبة بنته و اللعب
و يوم عمليه الواد
و دم جرانه يوم ما اتجرح
و يوم الزنقه
لا عمده لقي و باشا
و لا مصلحجي عل الدين
و لا شاربين
ملقيش غير الجار
كنيسه تقول الرب
و باب نجار
و دمعه فعين مكسور
فعين محتار
ياللي تقول امشي
انت متفهمشي

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع