عهد الميدان

أشرف فايز | 2011-03-14 17:48:32

بقلم: أشرف فايز
شعب واحد قلب واحد
والميدان واقف وشاهد
جوه الميدان
كل الأيادي والقلوب رفعت نداها للسما
ولا حد عارف دي إيدين مسيحيه ولا مسلمه
كان الجميع في اللحظه دي بيكتب تاريخ
أنبل وأعظم ملحمه
إحساس عجيب وشعور رهيب
لما الهلال بتشوفه حاضن للصليب
لكنه عمره ماكان في يوم
شعور غريب
بس المريب
لما نلاقي وسط إفراحنا إيدين بترمي نار
مش هي دي أبدا إيدين الشعب اللي هتف وثار
ولا دي الإيدين اللي جابت لبلدنا شمس الإنتصار
دي إيدين مرار
إيدين بتعشق الانكسار
وآن الأوان
نصرخ بصوت واحد كمان
ياحزب كان
معدش ليك بينا مكان
نادِي المؤذن للأدان
دُق الجرس صَّلي ف أمان
روح الميدان شاهد عيان
على فجر بان
فتح البيبان
وشمس مصر الحره طرحت ف الغيطان
ودم الشهيد شاهد أكيد
ببداية العهد الجديد
عهد الميدان

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع