" خلى الميدان صاحى " قصيدة جديدة تدعو لحرس الميدان من الخسيس والجبان

ميرفت عياد | 2011-07-30 00:00:00

كتبت : ميرفت عياد

كتب الكاتب الصحفى جمال فتحى احدث قصائده تحت عنوان " خلى الميدان صاحى " ، متاثرا بما يحدث فى ميدان التحرير ، الذى يراه من وجهة نظره اصبح اقرب الى القلب من الام والاب ، لانه هناك انفجرت اعظم ثورة شعبية فى تاريخ الشعب المصرى ، وتقول كلمات القصيدة :

خلى الميدان.. صاحى
خلى الميدان.. صاحى

الثورة أمى.. والميدان أبويا
وكل واحد حر.. جوه الميدان يبقى أخويا..
أنا اللى قالوا عليا مواليد يناير..
نزلت من بطن الغضب.. ثاير..
ولسه واقف فى الميدان ددبان..
بحرس ميدانى.. من الخسيس.. والجبان..
بحرس ميدانى.. من الفلول.. والديول..
وصوتى هو.. درعى.. وسلاحى

خلى الميدان.. صاحى
خلى الميدان.. صاحى

ثورتنا صاحية لحد.. يوم القيامة
وجوه قلب الميدان.. مليون علامة
مليون دراع فـ دراع.. وكف فـ كف
عملنا دايرة.. وسور.. وخيمة.. وصف
بايتين جوه الخيام.. وعنينا سهرانة
والسهرة علشانك.. يا مصر صباحى

خلى الميدان.. صاحى
خلى الميدان.. صاحى

فيه دم طاهر سال.. وساب مرسال
قال حقى متعلق.. فـــ رقبة الأندال
مين اللى قال إنى.. مشيت ونسيت
دنا لو هاسيب الميدان كأنى سبت البيت
حق الشهيد فى الميدان.. وأنا عـ الميدان حارس
فيه اتولدت.. ومنه بيبتدى كفاحى

بينما ابدع قلم الشاعر الكبير جمال بخيت قصيدة تقع تحت عنون " ارفع راسك فوق انت مصرى" وهو الشعار الجميل الذى اطلقه ثوار ميدان التحرير ، والذى بدأ به الشاعر كلمات القصيدة التى اهداها الى جميع شعب مصر احتفالا بالنصر على قوى الظلم والفساد ، وتقول كلمات القصيدة

ارفع راسك فوق انت مصرى
ارفع راسك فوق .. بلدك طالعة لفوق
ياللى كسرت الطوق .. ياللى جبت نصرى
ارفع راسك همة .. ياللى نصفت الأمة
أحبابك وشبابك .. دول قد المهمة
من قوة شهيدهم .. ربك خد بإيدهم
خمسة وعشرين.. عيدهم
ف يناير.. دا حصرى
ارفع راسك فوق انت مصرى
ارفع راسك.. طير
ما بقاش فيه أساطير
كل العالم سامع .. صوتك م التحرير
من كل الميادين .. تونس وفلسطين
والباقيين.. جايين .. وشايفهم ببصرى
ارفع راسك فوق انت مصرى