أخي المواطن

| 2011-10-08 00:00:00

بقلم: أمير سامي
ياللي بتركب المترو كل يوم
أرجوك.. أرجوك.. في اختراع اسمه مذيل عرق..
ومراعاةً للظروف الاقتصادية والمادية الوئعة اللي بتمر بيها البلد، مش هاقولك جيب مذيل عرق من إيفون ولا أورفلام...

ممكن ريكسونا؟.. الصغير منها بخمسة جنيه، وحيث إنك مابتستحماش غير كل يوم خميس، يعني أربع مرات في الشهر، فبالتالي هاتقعد معاك تقريبًا ست شهور، يعني عشرة جنيه في السنة.. يعني لو شلت خمسين قرش كل شهر هتجمعهم وهيفضل جنيه كمان.

ومراعاةً لظروفك المادية، سيبك من ده كله، في حل أوفر..
ممكن تستحمى؟
في حاجة تانية..

أخي المواطن،
ياللي بتركب المترو كل يوم.. وبالذات الصبح،
أنا عارف إنك نازل يا عيني متغصب وشأيان وبتنام على روحك
أرجوك.. أرجوك.. حط إيدك على بؤك وأنت بتتاوب..
لأن نتيجة للعوامل الطبيعية اللي بتحصل للمعدة، أنت بتصحى ريحة بؤك تقرف.
أرجوك.. في اختراع اسمه معجون أسنان..
ومراعاةً للظروف الاقتصادية والمادية الوئعة اللي بتمر بيها البلد،
بلاش معجون أسنان، في اختراع اسمه لبان تشكلتس.. الواحدة بشلن..
لو كل يوم واحدة، يعني في الأسبوع تقريبًا ربع جنيه، يعني في الشهر بجنيه، يعني في السنة حداشر جنيه.

لأن في جنيه موفرينه من مذيل العرق..

صدقني الموضوع بسيط عشان تغير ريحة بؤ أمك المعفنة، ولو شايف إن اللبان ده بتاع البنات، وإنك ماينفعش تمشي تتندغ..، توصلنا إلي الآتي:
مرعاةً لظروفك المادية، سيبك من ده كله، في حل أوفر..
لو بتغسل وشك الصبح بالصابونة.. ده لو يعني
ممكن بالصابونة تغسل بؤك.. دا لو بتغسل وشك أساسًا
كفاااااااااااااااااااااااااااااية أرف بقى.