ايدين وكلابشات

لوثر خليل | 2011-10-14 00:00:00

بقلم / لوثر خليل

اقترح أن تقوم الدولة بانشاء مجسم لعدة ايادى بشرط أن تكون مدسوسة مش عارف ازاى بس لازم تكون مدسوسة تكون مدسوسة فى عيون الناس تقعلها فى قلوب الناس تسكتها فتتوقف عن الحياة أو فى شوال رز بس شرط لازم تكون مدسوسة وتكون بارتفاع الهرم الاكبر وتوضع فى ميدان رمسيس ونعمل له يوم اجازة رسمى عيد قومى سنوى ناخد اجازة كل عام بمناسبة اقامة هذا المجسم طالما أننا لا نستطيع القبض على هذه الايادى الخفية المدسوسة التى هدمت كنيسة صول والمسئولة عن احداث العباسية واحداث مسرح البالون وحرقت امبابة والوطن معها واخيرا ً دهست المتظاهرين تحت العجلات وغريبة ان ده مش فى عقيدتهم لكن دهستهم هرستهم وامال لو فى عقيدتهم كانوا عملوا ايه .

. صحيح اللى اختشوا ماتوا .. نعمل الايدين ونعملها كلابشات على اساس اننا شطار ومسكناهم ونفرض على شركات السياحة أن كل فوج سياحى يشرفنا لازم يزور الايادى ونعمل اسانسير يطلع يورينا الكلابشات عشان نقول للعالم معرفناش نقبض على الايادى الخفية فعملنا مجسم يعزينا عن خيبتنا التقيلة وقتلنا للبشر تحت العجل وذبح المتظاهرين السلميين ..

لازم نعمل الايدين ونكلبشها بسرعة عشان نورى العالم أننا لا نخاف من بلطجية أو متطرفين نورى العالم سرعة العدالة وشفافية المحاكمة حتى لو على المجسم مش الحقيقة

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع