لا دخيل شرقي ولا قيد غربي

عزمي إبراهيم | 2011-10-25 09:49:07

بقلم: عزمي إبراهيم
أنا مش فـاضي اكتــب أشعـــار
عنــدي جرايــــد ماليــة الـــدار
والإنتـَرْنــِـت كلـــّــها أخبـــــار
إيه اللي بيجرى؟
إزاي دا يكــون؟
وانـا لازق للتفـزيـــــــــــــــون
راسي بتلـــف لـيـــــل ونهــــار
***

فـِكــْـر يــوَدِّي وفـِكــْـر يجيـــب
بيفـَكــَّـرني بجمــــال ونجيــــب
ومجموعـة ظبــــــاط أحــــرار
كانـــوا عســـاكر مش ثــــــوار
بــــدأوا عصــر كلــــه شـــرار
وفتحــــوا البــــــاب للأشـــرار
وحــولوا مصــر شـعلــة نــــار
***
شـايـف مصـر مولـَّعــة نـــــار
شـايــف مصـْـر
عايمـة ف بحـْـر
بيلعــب بيــها ميـــــت تيـــّـــار
شـايـف نــاس هاجميــن أمـواج
حـزب "خـَوارج"
وحـزب "انصار"
وحــزب بيلعــب قـــُـط وفــــار
***

قالـوا سيـاسـة، قلـت ارهـــــاب
قالـوا طوائـــف، قـلـت ذئــــاب
قـلـت قطــط وفيـــران وكــلاب
قـلـت وحوش هاجمين ع الباب
أشـكال والـــوان
من الإخـــــــوان
والسـلفيــين، وبـاقي الأحــزاب
ومن القاعــدة، أصحـاب فايـــدة
وحــزب اللـــه وخَلفــُـه إيــراني
وحـزب حماس آل جاي علشاني
واللي يهودي ماسك في حـدودي
واللي سعــودي بيلـغي وجـودي
وقـول إيـه تـاني
اللي يشــد واللي يــزق واللي يحُـوش
واللي بيلعب من حواليهم
حَلــَّـق حـُـوش
***

واللي مسَمِّي نفسه سَـلـَـفي بقميص أبيَـض
سـايق فيها وباسـم الديـن دايـر بيعضعض
ومالي بيته جهازات غربي كأنها معـْرَض
وريحة "النفـط" تفوح من توبه لما ينفـَّض
عمـَّال يهتِــف: "أخـتي كاميليـا"
سايـب عيلتـه وخـَدها "فاميليـا"
***
كل فريـــق ولـه أغراضه، وله أمراضه
وكل مرض وله أعراضه
لــهم أهـــــداف
وهات يا هتـاف
مظهـــرهـا ديــــــن وعـبـــــادة
وجوهــرهـا استبـــداد وســـيادة
أحـــزاب يامــَـه
وألـــف نـدامــَـه
والغالــب ع الكــل ارهــــاب
واللي يقـول غير كـدا كــداب
***

في بـدء الدهـــر تاريخنـا يقــول
كانـت مصرفـوق الكـُل
وقبــل ما يبــقى هنــاك بتـــرول
كانـت مصر فـوق الكـُل
وغصبـاً عن إرهـــابي جَهــُـول
حترجع مصر فوق الكـُل
***
كانت مصر أغلبية اسلامية
وكانت مصر مجرد مصر
فرعونيـة
وكنا بنهتف "تحيا مصر"
راحوا سموها آل عربية
من يومها لا بقت مصر
لا تشبه مصر
ولا لها فخـر
***

يا شبـاب مصـر
قوموا وهبوا متتاخدوش
متكِشــُّـوش متتغلبــوش
الدم الغالي مش حيضيع
وعصر الظلم بعده ربيع
بدأتــوا الثـــورة في التحريــــر
وروح العصــــر في التغييــــر
أســاس الحُكـْـم ثقـــافـة وعِـلــْـم
وقانـون عـَدل في حـرب وسِـلم
وبالإنتـاج والتصنيــع والتفنيـن
واالمســـاواة في المَـوازيــــــن
ودسـتـور مـَـدَني
قــَـوْمي ووطــَني
بالحرية والتوعية
مش بالديــن
***

ساعتها المصري يحكـم وطنــه
بنفسـه كمصري
بس كمصري، ماهـُوَاش عـَرَبي
لا دخيل شـرقي ولا قيـد غـَرْبي
***
ساعتها المصري يعيـد أمجـاده
ساعتها الشـَرق يشـوف أسيـاده
ساعتها الغــَرب يشـوف أنــداده

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع