مش بإيدي

| 2011-11-11 00:00:00

بقلم: بيتر النجار
مش بإيدي إني أحبك، غصب عني ما أنتي أمي
شوفتي جرحي وقفتي ساكتة، ليه يا بلدي تسيبي حقي
عارف إنه مش بإيدك، كل جرح جه في جسمي
بس ضعفك مش في وقته، ياللي فيكي بلاقي راحتي
اصحي فوقي من اللي فيكي، ألف شاب ماتوا فيكي
وإنتي واقفه زي ما أنتي، إصحي يالا حرام عليكي
ألف طعنه في جسم مصر، علشان كراسي حرام عليكوا
انتوا نسيتوا دي فانية، والأيام ها تثبت ليكوا
صراع كراسي مالوش أساس، علشانه مات أغلى مالينا
شباب بنات خيرة الزهور، علشانك يا مصر فارقوا الحياة
كل بيت بقا فيه شهيد، حزنك يا مصر ملأ القلوب
وانتوا ياللي واخدنها عافيه، مصر ها تصحي تاني ليكوا
بس يوم ما تفوق بلدنا، ها تبكوا دم من عنيكم
وأنت ياللي قتلت أخوك وقلت إنه خاين عميل
بكره تموت وتقابل ربك، وتندم ندم السنين
بس الوقت ها يكون فات، وساعتها مفيش كرسي ها يدوم..