طفل السّما طلّ

زهير دعيم | 2011-11-25 00:00:00

بقلم : زهير دعيم

في مغارة عَ خدّ الشّرق
نجمة طلّت حيرانة
رغم الشتا ورغم البَرق
مجوس حملوا الأمانة

وجوق السّما بالتهليل
خبّر رعيان الوادي
إنّو الله هالجميل
وُلد في شكل وْلادي

طفل السّما طلّ وهلّ
تَ يعطينا زوادة
بجسد بَشَر صار وحلّ
وعلى كتفو الريادة

ميلادو غيَّر الكون
طفل المغارة الفادي
أعطى حياتنا طعم ولون
ورسم الفرحة في بلادي

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع