نقطة دم

ماركو فايز جورجى | 2011-12-26 00:00:00

تأليف : ماركو فايز جورجى

نقطة دم

نقطة دم جات على رأسى

كانت هى سر خلاصى

أصل أنا خاطى كلى معاصى

واقف تحت صليب مرفوع

دم بيروى كل جدور

نشفت وسط الأرض البور

دم كنيستك يملى بحور

وحساب خطايانا مدفوع

إيدك فيها نقش المسمار

أسمى وإسم إخواتى صار

فى سجل الشهداء الأبرار

شوفوا الوضع فى إيد الله

هنا وهناك إحنا معاه

دا فى وسطينا نلقى سماه

جوه قلوب عايشه بخشوع

فى صعيدنا والعمرانية

الكشح و إسكندرية

دا إلهنا رب البشرية

قلبى وقلبك ليه مرفوع

إنقذ أنت يارب ولادك

أرحم شعبك أحم عبادك

أثبت فينا قوى إيمانك

دا صليبنا صليبك يايسوع

ربنا موجود هو معانا

والأكاليل بأديه يا هنانا

إحنا ولاده وهو أبانا

ملكوته جوانا مزروع للأبد

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع