طباعة الصفحةقومي ياما
|
2012-02-06 00:00:00
بقلم : مجدي محسن
قومى ياما ألبسي أسود بقيت عمرك حداد
مات أخويا فـ الثورة وأنا مت في الأستاد
قلبولك قلبك الأبيض .. أما بقى لونه سواد
قتلوني ياما .. وحسدوني على الاستشهاد
ولا عايزني شهيد .. ولا سايبنى أعيش
فابكى ومتسمعيش .. اللى قالو متعيطيش
ولو هتسكتي.. هتسكتي ليه ؟
لما أنزل بعلم فريقي أوارجع متكفن بيه
تستنى إيه ؟
دا يبقى حرام لو مصرختيش
فأبكي ومتسمعيش .. اللى قالوا متعيطيش
ومتخافيش .. مش هيقولوا عليكى ندابه
دى حتى كتب التاريخ كلها طلعت كدابة
قالو أن الهكسوس ماتوا من سنين
طب واللى قتلوني دول يبقو مين؟
مش معقولة مصريين
وأنا مش ذنبي اني كنت للكورة هاوي
وأمشىي مع فريقى في أى مكان وغاوي
حتى لما يسافر بتمرمط عالقهاوي
قتلونى عشان مصرى ولا عشان أهلاوي
جميع الحقوق محفوظة للأقباط متحدون © 2004 - 2011 www.copts-united.com