طباعة الصفحةازاي يا بلدي
|
2012-02-12 00:00:00
ازاي يا بلدي نحلم انهارده ببكره ؟
وازاي نشوف بكره من ازاز مكسور ؟
ازاي نخطط لبكره علي ورق مقطوع ؟
ازاي نكتب التاريخ و القلم فاضي و الريشه مكسوره ؟
ازاي نمشي ناحيه بكره و نشاور عليه و الرجلين و الايدين مشلوله ؟
ازاي نضحك و العيون تلمع و تقول هناك ، بكره احسن ؟
ازاي نعيش فخوف و نقول عليها عيشه ؟
اصل الحياه يا تتعاش فامان يا بلاها دي عيشه ؟
ازاي ازاي ازاي ............................ .
ازاي القلب يعيش و يدق وهو مخروم وكمان العقل يفكر وهو مسجون ؟
ازاي الولد يكبر فبلد منحوره ومن مين ؟
من ابوه و اخوه ؟
ازاي الودان تسمع وتخلي العقل المسجون يفهم وسط ( الفوضه الممنهجه ) و التعدي المقصود .
عارفين ازاي !!!
لما نسمحله يجئ ينضف ، يشفي ، يلمس ، يجبر كل قلب
ازاي معرفش ؟
اصله هو بس اللي يقدر يروي ، يطمن ، وكمان يتحنن علي قلوب جار عليها الزمن .
ازاي ده يحصل معرفش ؟
بس هو اللي يعرف الاجابه .
اصله مش بتوقفه ظروف ولا حدود ، هو يقدر و ازاي معرفش
بس هو يقدر علي اللي ميتقدرش عليه فالظروف
واللي مش مقدور عليه من البشر
البشر اللي لسه مفهموش معني الحياه و الانسانيه و السلام .
بس هو يقدر مهما قولنا ازاي ، ايوه يقدر علي اللي ميتقدرش عليه
فهمتي ازاي بقي بلدي
جميع الحقوق محفوظة للأقباط متحدون © 2004 - 2011 www.copts-united.com