وصحيت م االنوم

| 2012-02-15 00:00:00

وصحيت م النوم..
الجرح الكامن جوة
في ملامحك ناطط برة
وفاضحك
والزمن دار
ومعدش في صالحك
تجاعيد الوش
خطوط بتبان
تصرخ
والصوت إنسان
وسنين بتغش
والشعر آه شاب
أحلام بتموت
وساعات تتعلق
على باب قلبك كل ساعاته
حاطط برة يبص
تصاوير بتفوت
ووجوه بتموت
وأنت مكانك هس..
عيون في دموعها
ساعات بتغش
وعيون تلاقيها
محبوسة
دموعها تحش
والجوف عمال
يتعارك جوه
والخوف بيهز
بقوة
يا كاسات المر
مين فينا يحس
ربيعنا وعدا
وجرحه ما هدا
بصينا جوانا
لقينا خريف
يا سنين العمر
شربنا المر
في كاسات بتمر
لمتنا ليه تخاريف
جمعنا خيوط الشمس
وقعدنا نتحاكي بهمس
يمكن نبض الدم يحس
خطفنا في لحظة خوف
وندانا الصوت
وسكت سكت
وصحيت م النوم