خايف يورثوا السكات

ليه يا رب ... ما طلعتنيش أفهم ف كل حاجه ...ليه أكون متكل على خواجه ... ليه أنا مش لهلوبه واعي ... ليه أصلاً ما اتكل على دراعي ... هو صحيح ... اللي عندهم مش عندي... ولا صحيح ... معمولي عمل في كفهم متخبي ... ولا مصيري يا ربي في كف اللي مش خايف على غدي ... يمل ... يتسلى ... يلعب بأقداري ... يجوع ... يمز بلحمي وعضامي ...

 

اقول ماهو بيدي ... وبس حاطتها على خدي ... وبُكره عيالي من بعدي ... لو ما تعلموا معنى الكلام ... لو فضلت ساكت ... وبس أهزي ف المنام ... خايف يورثوا السكات ... أو يكرهوني للممات ... دلني يا رب ع الاتجاه ... علمني الهروب ... من الجمود للحياه ... علمني أصرخ واقول لا ... قوي صوتي يا رب ... ده من الهمس مبحوح ... عارف ذنبي يا رب ... ساعدني ده القلب مدبوح