تحدي

| 2012-02-26 00:00:00

تحدى
يا زمن
اغدر ... كشّر ... كون هزّاز
ما باهزرشي
دانا قلبي حديد وعزمتي فولاذ
ولا باضعفشي
انا ضهري كتير بيشيل أحمال
ولا قوسشي
وصوتي خبّى كتير فـ كلام
ولا صرخشي
ومهما تقسى كمان يا زمان
أنا ما باخفشي

مهمن تحاول
تعافر ... تكابر
ومهمن تصعّب عليّا الامور
اكون لك معاند لقلبي مساند
وعُمري ما اخور
افوت فـ الهوايل
ولا جزعي مايل
ولا دمعي سايل ...
بيملى البحور
أحل المسائِل
أشل الكبائِر
ولا قلبي حاير ...
بفك الرموز
انا اتحدى عزمك
واتحدى خشمك ...
وهذا يجوز