ماتزعلش

| 2012-03-02 12:20:28

بقلم: نبيل موريس
ماسك قلمي
وكاتم المي
وبداوي جروحك
***
قلمي اتكسر
قلبي اتحسر
شعبك راضع منك خوفك
***
قلبي بينزف
لما في حضنه بشوفك
***
انتي تخافي.. وهو يبوسك
وانتي تطاطي وهو يدوسك
***
واحنا أولادك بنبكي بحرقة
وعلشان شرفك قومنا بثورة
وسجنا عشيقك ومعاه الشلة
وقولنا الحارس مفهوش علة
***
أتاري الحارس طلع ...
وفكر علشان أسلحته هنطاطي
ما يعرفش إننا
كلنا فداكي

ما تزعليش
إحنا الشعب.. إحنا الجيش
مش هنبيع...

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع