ما تتكلش على إنسان

| 2012-05-08 00:00:00

ما تتكلش على إنسان
اتكل على صاحب الحنان
عمرك في يوم ما تنام قلقان
وكل يوم حتنام فرحان
بيوفر الأكل للغربان
وحينساك أنت يا إنسان؟
عمرك في يوم نمت جعان؟
مش كل يوم بتنام شبعان؟
ما تخوفنيش يا عدو الخير
أنا بني آدم عندي الضمير
حتى لو خسرت شغلي
أنا معتمد على رب كبير
فيها إيه لو أعيش فقير؟
فيها إيه لو أنام في حصير؟
كل ده ما يزعلنيش
أنا غني بربي القدير

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع