يا أيها المرشحون الجدعان

| 2012-05-16 00:00:00

يا أيها المرشحون الجدعان
تسمعوا عن حقوق الإنسان؟
عارفين الإنسان البردان؟
سمعتوا عن المواطن الجعان؟
حد سامعني بقول إيه؟
ولا مركز في الكرسي يا بيه؟
***
طاب شفتوا الشاب الطهقان؟
صدقوني الكل تعبان
غالبية الشعب غلبان
تعبان في عيشته من زمان
حد سامعنى بقول إيه؟
ولا مركز في الكرسي يا بيه؟
***
الشعب خلاص جاله جنان
واقف طوابير من زمان
أكل اللحمة في خبر كان
علشان كده خرجنا الميدان
حد سامعني بقول إيه؟
ولا مركز في الكرسي يا بيه؟
***
اللبس نصه بقى بهتان
والنص التاني بقى جربان
وانتم عايشين في الروقان
حد سامعني بقول إيه؟
ولا مركز في الكرسي يا بيه؟

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع