إحــــــــــنا مــــن غـيـــــرك يـــتـــامـــى

أولادى بيسالونى ويقولولى البابا فين ؟
كنا نستناة يابابا كل اربع فرحانين
قولة ييجى يشوف ولادة فى المشاكل غرقانين
انت رحت فين يابابا وسبتنا ليك مشتاقين ؟

كنت بسمع لك يا بويا ومين شبيهك فى الوجود
وعظتك بلسم بيشفى وكل من سمعوك شهود
التاريخ ها يحكى عنك وطنى صادق فى الوعود

ولما كنا نقع فى ضيقة والحلول مالهاش طريقة
كان كلامك لينا بلسم يطفى جوانا الحريقة

فى ذكرى جلوسك ظهرت حمامة
لطهرك وبرك كانت علامة
دليل لقداستك وقوة صلابتك والقرعة الهيكلية اساس الرسامة

دا احنا من غيرك يتامى ياموسى الجديد يا بطرك حكيم
يا عابر بشعبك لبر الامان يا راهب يا اسقف وبابا عظيم

خليفة مارمرقس وحامى الايمان
بنيت الكنايس عمرت القلالى دشنت المذابح فى كل مكان
يا اب الغلابة وراعى التعابى مسابق فى علمك وواخد نيشان
راضيت الارامل وعطفك دا شامل ولادك جميعا وغيرهم كمان

وكنت تقابلنا يابابا كعادتك بعطفك وحبك واحلى ابتسامة برغم المشاكل وكل الشرور
ولو بنمر بضيقة ساعات كل كلامك كان مأثور
وحافظ عهد اللة بثبات ورغم الظلم ورغم الجور
أو يتهد علينا السور وسط الحزن الاقيك مسرور

رافع قلبك بالصلوات اة كل الناس عايشة فى وطنها وانت وطنك عايش فيك
حكمة وقدسك كنت تقولها وفى الوطنية مشهود ليك

حازم وسط الشدة شديد وعندك حكمة ماليها حدود
واثق ان الحل اكيد لما تقول ربنا موجود

اثناسيوس اوذهبى الفم واعظ متكلم وكلامك وسط جراحنا يشيل الهم
ولو كنت هاتطلب يوم من شعبك كان راح يفديــــــــــــــــــــك بالـــروح والــدم
انت يابابا شنودة ياغالى يا واخد العدرا شفيعة وام
اذكر ضعفاتنا ياسيدنا بصلاتك شملنا يتلم
والاقباط متحدون اذكرهم بارك خدمتهم واهتم